కారు ఘోష 2
ఆల్టో లక్ష్మణా అనుకుంటూ
ఒంటరిగా కాలం గడుపుతున్న నాకు
దొరికింది ఒక తోడు!
తెల్లగా మెరిసి పోతూ నా ప్రక్కనే
నిలబడింది ఒక మారుతీ స్విఫ్ట్ కారు !
మొదటిరోజు మురిసి పోతూ ముద్దుగా అంది
దేశమంతా తిరగ బోతున్నాను నేను !
వింటూ ఫక్కున నవ్వాను నేను !
ఎందుకంటూ అడిగింది నా క్రొత్త తోడు
మోజు కొద్దీ ముందు తిరుగుతారు
కారులో షికారులు !
ఆ తర్వాత పెట్రోలు ఖర్చు చూసి గుండెలు బాదుకుంటూ
మనకు కప్పుతారు ముసుగులు !
రెండేళ్లలో రెండు వేల కిలోమీటర్లు కూడా
వెళ్ళని నేను కాలం గడుపుతున్నాను కారు కవరులో !
కాలానికి బందీలమై కాపురం చేద్దాం రా ప్రియా !